பொருளாதாரக் கட்டமைப்பு மீது மோசடிகள் ஏற்படுத்தும் தாக்கம்!

வணிகங்கள் தனது அன்றாட செயல்பாட்டில் பல அபாயங்கள், சிக்கல்கள், சவால்களை எதிர்கொள்கின்றன. இதில் பலவும் அவற்றின் லாபம், இழப்பு அல்லது அவற்றின் இருப்பில் நேரடி தாக்கத்தை ஏற்படுத்துகின்றது.

எதிர்பார்ப்பு
வழக்கமாக ஆரம்பத்தில் எந்தவொரு வணிகமும் அபாயங்களுடன் மட்டுமின்றி அவற்றின் சாத்தியமான லாபங்கள், இழப்புகள் குறித்து பெரும் எதிர்பார்ப்பை கொண்டிருக்கின்றன. இந்த ஆபத்துகள் பொதுவாக அவற்றின் பல செயல்பாட்டு யுக்திகளுக்கு காரணமாகின்றன. எவ்வாறு இருந்தாலும், பல ஆபத்துகள், சிக்கல்கள், சவால்கள் இருக்கத்தான் செய்கின்றன.

இது மிகவும் சிக்கலான தன்மை, அத்தகைய நடவடிக்கைகளின் நோக்கத்திற்கு காரணமாக இருக்க முடியாது. மோசடி என்பது ஒரு பெரிய எண்ணிக்கையிலான பொருளாதார நடவடிக்கைகளை உள்ளடக்கிய ஒரு செயலாகும்.

வணிக மோசடி

மோசடியும், மோசடி செயல்பாடுகளும் பெரும்பாலும் நமது சட்டங்களில் நன்கு வரையறுக்கப்பட்டுள்ளன. மோசடி என்பது அடிப்படையில் பெரிய பொருளாதாரக் குற்றங்களின் ஒரு பகுதியாகும். மோசடி ஒரு முக்கியமான சிக்கலை உருவாக்குகிறது. அதாவது அது சமூகத்தில் நிலவும் நம்பிக்கையை குறைமதிப்பிற்கு உட்படுத்துகிறது.

இந்த நம்பிக்கை, தனியார், அரசின் மத்தியில் வணிகத்தை நடத்துவதற்கு ஒருங்கிணைந்ததாகும். இந்திய தண்டனைச் சட்டத்தில் (ஐபிசி) பல்வேறு வகையான மோசடிகளைக் கையாளும் பல்வேறு பிரிவுகள் உள்ளன. நீண்டகாலமாக, இந்திய நீதிமன்றங்கள் ‘மோசடி’ என்று வகைப்படுத்தப்பட்ட பிரச்னைகளில் தீர்ப்பளித்து வந்துள்ளன.

பொருளாதார தாக்கம்

இந்தியப் பொருளாதாரத்தின் வளர்ச்சி பொருளாதார வாய்ப்புகளுக்கு வழிவகுத்ததோடு மட்டுமல்லாமல், அனைத்து வகையான மோசடிகளிலும் (ஊழல் மற்றும் கறுப்புப் பணம் தொடர்பானவை மட்டுமல்ல) தீவிர அதிகரிப்புக்கு வழிவகுத்தது. முரண்பாடாக, தொழில்நுட்பம் தொடர்பான புதுமைகளும் மோசடிகளின் அதிகரிப்புக்கு வழிவகுத்தன. மோசடி, அது உருவாக்கும் அபாயங்கள் இந்தியாவுக்கு மட்டுமல்ல; உலகெங்கிலும் உள்ள வணிகங்களைப் பாதிக்கிறது.

குற்றங்கள்
மோசடி குறித்த பல்வேறு ஆய்வுகள், உலகளாவிய வணிக மோசடி, மோசடியுடன் தொடர்புடைய அபாயங்கள் குறித்த சுவாரசியமான நுண்ணறிவுகளை வழங்குகின்றன. முந்தைய ஆண்டுகளைப் போலவே 2019ஆம் ஆண்டும் உலகளவில் கிட்டத்தட்ட 62 விழுக்காடு வணிகங்கள் அதிகமான அல்லது அதே அளவு மோசடிகளை எதிர்கொண்டுள்ளன என்று சுட்டிக்காட்டப்பட்டுள்ளது.

சமீபத்திய ஆய்வின்படி, 2018ஆம் ஆண்டில், பதில் அளித்தவர்களில் 49 விழுக்காடு பேர் தங்கள் நிறுவனங்கள் ஒருவித மோசடி அல்லது பொருளாதாரக் குற்றங்களுக்கு பலியாகிவிட்டதாகக் கூறினர். இது 2016இல் 36 விழுக்காடாக இருந்தது.

மோசடியின் ஒரு முக்கியமான, சிக்கலான அம்சம் என்னவென்றால், சமீபகாலங்களில் அதிகரித்துவரும் போக்குதான். இதில் மோசடி, பொருளாதாரக் குற்றங்கள் அதிகரித்துள்ள நிலையில், உள்நாட்டுக் குற்றவாளிகள் அல்லது ஒருவருக்கொருவர் நன்கு அறிந்தவர்களால் செய்யப்படுகின்றன.

மோசடி வகைகள்
128 பெரிய பொருளாதாரங்களில் சமீபத்திய உலகளாவிய ஆய்வில், வணிகங்களுக்கு மிகப்பெரிய ஆபத்துகள் பின்வருமாறு:

1. உள் தகவல் கசிவு (39%),
2. தரவு திருட்டு (29%),
3. மூன்றாம் தரப்பினரின் நற்பெயருக்கு களங்கம் (29%),
4. வெளிநபர் மோசடி (28%),
5. உள்நபர் மோசடி (27%),
6. அறிவுசார் சொத்து திருட்டு (24%),
7. கள்ளநோட்டு (17%),
8. பணமோசடி (16%) ஆகியவை ஆகும்.

இந்தியாவிலும் இது மிகவும் வேறுபட்டதல்ல. பல சந்தர்ப்பங்களில் (45%) வணிகங்கள் உள் மோசடிகளில் ஊழியர்களின் பங்கு காரணமாகவும், மேலும் 29% இணைக்கப்பட்ட அல்லது மூன்றாம் தரப்பினரிடமிருந்தும் ஏற்படுகிறது.

அதிகரிப்பு

உள்மோசடியில் மூன்று விழுக்காடு, வெளிப்புற மோசடியில் ஏழு விழுக்காடு மட்டுமே அறியப்படாத அல்லது சீரற்ற நபர்களால் செய்யப்படுகிறது. மற்றொரு சிக்கலான அம்சம் என்னவெனில், ஒரு நிறுவனத்தில் மூத்த மேலாளர்களால் செய்யப்படும் மோசடிகளின் அதிகரிப்பு இருப்பதாகும்.

இது 2016இல் பதிவான வழக்குகளில் 16 விழுக்காட்டிலிருந்து 2018இல் 24 விழுக்காடாக அதிகரித்தது. இதில் சுவாரசியமானது. பொதுவாக உலகளவில் பெரும்பாலான மோசடிகள் உள்தணிக்கைகளாலும் சில சந்தர்ப்பங்களில் ஒரு நிறுவனத்தின் வெளிப்புற தணிக்கையின்போதும் கண்டுபிடிக்கப்பட்டன.

ஒழுங்குபடுத்துபவர் அல்லது சட்ட அமலாக்கத் துறையால் மோசடி கண்டுபிடிப்பது பொதுவாக ஐந்து விழுக்காடு (உள் நபர் மோசடி செய்யப்பட்டால்) 21 விழுக்காடு (கள்ளநோட்டு விஷயத்தில்) வரை மாறுபடும். இந்தச் சூழலில்தான் தொழில்நுட்பத்தின் தாக்கம், சிக்கல்களை உருவாக்குகிறது என்பதை ஒருவர் புரிந்துகொள்ள வேண்டும்.

தரவு திருட்டு

இணைப்பு உள்ளிட்ட தொழில்நுட்ப முன்னேற்றங்கள் மோசடி, தொடர்புடைய அபாயங்களை அதிகரித்துள்ளன. சைபர் பாதுகாப்பு, தரவு திருட்டு, அறிவுசார் சொத்து திருட்டு ஆகியன இப்போது மோசடி, அது தொடர்புடைய பொருளாதாரக் குற்றங்களில் ஒரு முக்கியப் பகுதியாகும் என்பதில் ஆச்சரியமில்லை.

தரவுத்திருட்டு, உள் தகவல்களின் கசிவு இப்போது முக்கியமான அபாயங்கள், மோசடி நடவடிக்கைகளின் ஒரு வடிவமாகும், அவை இப்போது வணிகங்களுக்கு நடுத்தர காலத்தில் கருத்தில்கொள்ள முன்னுரிமை அளிக்கின்றன. இந்த அச்சுறுத்தல்களின் பின்னணியில், மோசடி, தொடர்புடைய பொருளாதாரக் குற்றங்கள் ஏற்படுத்தும் இழப்புகள், சிக்கல்களின் தாக்கங்களைப் புரிந்துகொள்ள வேண்டும்.

வங்கி மோசடி

இந்த இழப்புகளின் தாக்கத்தை எளிய காரணத்திற்காகக் கணக்கிடுவது மிகவும் கடினம். அதையும் மீறி கண்டறியப்பட்டால்கூட மோசடியில் பாதிக்கப்பட்டவர்களில் பலர், பாதிக்கப்பட்டவர்களின் நற்பெயர் கெடும் என்று கருதி, இந்த இழப்புகளை விளம்பரப்படுத்த தயாராக இருப்பதில்லை.

இந்தியாவில் பல்வேறு வகையான மோசடிகளால் வங்கிகள் மிகப்பெரிய இழப்பை சந்தித்துள்ளன. கடந்த நிதியாண்டில், வங்கி மோசடிகளால் சுமார் ரூ.71,500 கோடி இழப்பு ஏற்பட்டுள்ளது. 2018-19 நிதியாண்டில் 3766 மோசடிகள் நிகழ்ந்தன.

இது சுமார் 15 விழுக்காடு அதிகரிப்பு ஆகும். இது தவிர, கடந்த ஐந்தாண்டுகளில் முதலீட்டாளர்களை சுமார் ரூ.1.2 லட்சம் கோடி மோசடி செய்த பிரமிட், சட்டவிரோத வைப்புத் திட்டங்களை சிபிஐ விசாரித்துள்ளது. மேலும், கிட்டத்தட்ட ரூ.45,000 கோடி என மதிப்பிடப்பட்ட சரக்கு மற்றும் சேவை வரி (ஜிஎஸ்டி) மோசடி வழக்குகளும் உள்ளன.

போராடுதல்

மோசடியின் பெரும்பகுதி நிறுவனத்திற்குள்ளேயே இருப்பதால், வணிகங்கள் வலுவான உரிய விடாமுயற்சி செயல்முறைகளை மேற்கொள்வது விவேகமானதாகும். எனவே, ஒரு பரிவர்த்தனையின்போது கூறப்படும் எந்தவொரு உரிமைகோரல்களையும் அனைவரும் சரிபார்க்க வேண்டியது அவசியம்.

அடுத்து மிக முக்கியமானது, பின்தொடருதல் நடவடிக்கை. மோசடி, அது தொடர்புடைய பொருளாதாரக் குற்றங்கள் தொடர்பான வழக்குகளுக்காக, நீதி கட்டமைப்பில் சீர்த்திருத்தத்தை அரசு பரிசீலிக்க வேண்டியது அவசியமான ஒரு மாற்றமாகும்.

நீதி, தகராறு தீர்க்கும் எந்தவொரு விரைவான வழங்கலும் மோசடி, அது தொடர்புடைய பொருளாதாரக் குற்றங்களுக்கு எதிரான ஒரு சக்திவாய்ந்த ஊக்கமளிக்கும் காரணியாக மாறும். இது இந்தியப் பொருளாதாரத்திற்கு கணிசமாக உதவக்கூடும். ஏனெனில் எந்தவொரு மோசமான நடத்தைக்கும் விரைவாக அபராதம் விதிக்கப்படும்.