மோட்டார் சைக்கிள் திருடிய வாலிபரை காவல்துறையினர் கைது செய்துள்ளனர்.
தூத்துக்குடி மாவட்டத்திலுள்ள கந்தன் காலனி பகுதியில் சண்முகம் என்பவர் வசித்து வருகிறார். இவருக்கு முருகன் என்ற மகன் உள்ளார். இவர் தூத்துக்குடி-மதுரை நெடுஞ்சாலையில் உள்ள லாரி செட்டில் கடந்த 6-ஆம் தேதி தனது மோட்டார் சைக்கிளை நிறுத்தியுள்ளார். அதன் பின் திரும்பி வந்து பார்த்தபோது மோட்டார் சைக்கிளை மர்ம நபர் யாரோ திருடிச் சென்றது முருகனுக்கு தெரியவந்துள்ளது.
இதுகுறித்து முருகன் சிப்காட் காவல்நிலையத்தில் புகார் அளித்துள்ளார். அந்த புகாரின் பேரில் வழக்கு பதிவு செய்த காவல்துறையினர் விசாரணை நடத்தினர். அந்த விசாரணையில் மோட்டார் சைக்கிளை திருடியது சுந்தர்நகர் பகுதியில் வசிக்கும் சாரதி என்பது தெரியவந்துள்ளது. இதனையடுத்து சிப்காட் காவல்துறையினர் சாரதியை கைது செய்ததோடு அவரிடம் இருந்த மோட்டார் சைக்கிளையும் பறிமுதல் செய்தனர்.