சீனாவில் வேகமாக பரவும் ஓமைக்ரான் வைரஸ் காரணமாக 3 கோடி பேர் வீடுகளில் முடங்கிக் இருப்பதாக தகவல்கள் வெளியாகியுள்ளது.
சீனாவின் உகான் மாகாணத்தில் கடந்த 2020 ஆம் ஆண்டு கொரோனா வைரஸ் பாதிப்பு கண்டறியப்பட்டதால் நோய்தொற்று நடவடிக்கையாக அங்கு ஊரடங்கு அமல்படுத்தப்பட்டு இருந்தது. அதன் பின் உலகம் முழுவதும் கொரோனா தொற்று பாதிப்பு தற்போது படிப்படியாக குறைந்து இருக்கிறது. இந்நிலையில் சீனாவில்கொரோனா பாதிப்பு கடந்த இரண்டு ஆண்டுகளாக இல்லாத அளவில் புதிய உச்சத்தை எட்டியுள்ளது.மேலும் அந்நாட்டிலுள்ள 19 மாகாணங்களில் தொற்று பாதிப்பு தீவிரமாகி உள்ளது. புதிய வகை ஓமைக்ரான் தாக்கத்தால் சீனாவில் கடந்த சில வாரங்களாக தொடர்ந்து அதிகரித்து வருகிறது.
இந்நிலையில் சீனாவில் ஒரே நாளில் புதிதாக 5,280 பேருக்கு தொற்று உறுதி செய்யப்பட்டுள்ளது. இதன் எதிரொலியாக சீனாவின் பல்வேறு நகரங்களில் ஊரடங்கு அமல்படுத்தப்பட்டு உள்ளது.இதனால் சீனாவில் பல்வேறு மாகாணங்களில் வசிக்கும் 3 கோடிக்கும் அதிகமான மக்கள் வீடுகளில் முடங்கி தவித்து வருவதாக தகவல் வெளியாகி உள்ளது. இதன்படி சீனாவில் நாடு முழுவதும் 13 நகரங்களில் முழுமையாக ஊரடங்கு உத்தரவு பிறப்பிக்கப்பட்டுள்ளது. மேலும் பல நகரங்களில் பகுதியளவு ஊரடங்கு உத்தரவு பிறப்பிக்கப்பட்டுள்ளது.
கொரோனா தொற்று பரவல் சற்று தணிந்து உலக நாடுகள் கட்டுப்பாடுகளை தளர்த்தி வரும் நிலையில் சீனா பல நகரங்களை முடக்கி வருகிறது. அதிக வேகத்துடன் பரவும் ஒமைக்கரானே பாதிப்பு அதிகரிக்க காரணம் என அதிகாரிகள் கூறியுள்ளனர். ஊரடங்கு மட்டுமல்லாமல், பரிசோதனைகளை அதிகரிக்கவும் சீனா அரசாங்கம் திட்டமிட்டுள்ளது. தொற்று பாதிப்பை விரைவாக கண்டறியும் வகையில் ரேபிட் ஆன்டிஜென் சோதனைகளுக்கு அரசு அனுமதி அளித்துள்ளது.