உக்ரைன் தலைநகர் கீவ்வை ரஷ்ய படைகள் சுற்றி வளைக்க தீவிரம் காட்டி வருகின்றன.
உக்ரைன்- ரஷியா போரானது தொடர்ந்து 19-வது நாளாக நீடித்து வரும் நிலையில், ஏவுகணை, வான்வெளி மற்றும் பீரங்கி தாக்குதல்களை ரஷிய படைகள் முக்கிய நகரங்களில் நடத்தி வருகிறது. அதே நேரத்தில் ரஷியாவிற்கு பதிலடியாக உக்ரைனும் ஈடுகொடுத்து வருகிறது. இதையடுத்து ரஷிய படைகளானது கிழக்கு மற்றும் தெற்கு நகரங்களில் மிகப்பெரிய முன்னேற்றத்தை அடைந்துள்ளன.
அதே நேரத்தில் வடக்கு மற்றும் கீவ் நகரைச் சுற்றியுள்ள பகுதிகளில் போராடி வருகின்றன. இந்த நிலையில், உக்ரைன் ராணுவமானது தலைநகரம் கீவ் நகரிலுள்ள கார் பார்க்கிங் பகுதிகளை ராணுவ பயிற்சி மையமாக மாற்றி அமைத்து பயிற்சி அளித்து வருகிறது. மேலும் இந்த பயிற்சி மையத்தில் ரஷ்ய படைகளை எதிர்த் தாக்குதல் செய்து, அவர்கள் ஆக்கிரமித்துள்ள பகுதிக்குள் நுழைவதற்கு, யுத்த பயிற்சிகள் அளிக்கப்பட்டு வருகின்றன.
மேலும் நாட்டை பாதுகாக்கும் எல்லைப் பாதுகாப்புப் பிரிவு வீரர்களுக்கு இந்த பிரத்தியேக பயிற்சியானது அளிக்கப்பட்டு வருகிறது. இதையடுத்து பயிற்சி முடிந்தபின், அவர்கள் சிறிய குழுக்களாக பிரித்து அனுப்பப்படுவார்கள் என உக்ரைன் ராணுவ அதிகாரிகள் தெரிவித்துள்ளனர்.