சிவகார்த்திகேயன் தற்போது நடிக்கும் திரைப்படத்தில் வில்லனாக நடிப்பவர் குறித்து தகவல் வெளியாகி உள்ளது.
தமிழ் சினிமா உலகில் முன்னணி நடிகராக வலம் வருபவர் சிவகார்த்திகேயன். இவர் சின்னத்திரையில் அறிமுகமாகி மெரினா திரைப்படத்தின் மூலம் வெள்ளித்திரையில் அறிமுகமானார். இவர் நடிப்பில் அண்மையில் வெளியான திரைப்படம் டான். இத்திரைப்படத்தை தொடர்ந்து இவர் தற்போது அனுதீப் இயக்கத்தில் நடித்து வருகிறார். இப்படம் தமிழ், தெலுங்கு என இரண்டு மொழிகளிலும் உருவாகின்றது.
ஸ்ரீ வெங்கடேஸ்வரா சினிமாஸ் மற்றும் சுரேஷ் புரொடக்ஷன்ஸ் இணைந்து இப்படத்தை தயாரிக்கின்றது. இந்த படத்தில் தமன் இசையமைக்கின்றார். இத்திரைப்படத்தில் முக்கிய வேடங்களில் பல முன்னணி நடிகர்கள் நடித்து வருகின்றனர். இந்நிலையில் படத்தின் தகவல் ஒன்று வெளியாகி உள்ளது. அது என்னவென்றால் இந்த படத்தில் வில்லனாக பிரேம்ஜி நடிக்க உள்ளார் என தகவல் வெளியாகி இருக்கின்றது. இந்த படம் முழுக்க முழுக்க காமெடி படம் என்பதால் இந்த கூட்டணி கண்டிப்பாக வெற்றி பெறும் என கூறப்படுகின்றது.