தமிழக அரசின் பல்வேறு துறைகளில் செயல்படுத்தப்பட்டு வருகின்றன நலத்திட்டங்கள், அரசாணைகள் மற்றும் முதல்வரின் துறை சார்ந்த அறிவிப்புகள் என அரசு இயந்திரத்தின் செயல்பாடுகளை தமிழரசு மாத இதழ் தொகுத்து வழங்கி வருகின்றது. அப்படிப்பட்ட இந்த இதழ் தமிழகத்தின் கடைக்கோடி மக்களுக்கும் சென்றடைய வேண்டும் என்ற எண்ணத்தில் தேவையான நடவடிக்கைகளை எடுக்க முதல்வர் ஸ்டாலின் அறிவுறுத்தியுள்ளார். இதனைத் தொடர்ந்து தமிழரசு இதழை பொதுமக்கள் எளிதில் பெரும் வகையில் சந்தா தொகையை அரசின் இ-சேவை மையங்கள் மூலமாக செலுத்தும் வசதி ஏற்படுத்தப்பட்டுள்ளது.
இதனைப் பெற விரும்புவோர் இ-சேவை மையங்களில் தங்களது பெயர் மற்றும் முழு முகவரி உள்ளிட்ட விவரங்களை பதிவு செய்து சந்தா தொகையை செலுத்தி தமிழரசு இதனைப் பெறலாம் என்று செய்தி மக்கள் தொடர்பு துறை தெரிவித்துள்ளது. இதனைத் தவிர www.tamilarasu.org என்ற இணையதளத்திலும் சந்தா தொகையை நேரடியாக செலுத்தி இதழை பெறலாம். தமிழரசு இதழ் தமிழ் மற்றும் ஆங்கிலம் என தனித்தனியாக 20 ரூபாயும், ஆண்டு சந்தா 240 ரூபாயாகவும் நிர்ணயம் செய்யப்பட்டுள்ளது.