ஒரு திட்டத்தினை செயல்படுத்த வேண்டுமெனில் பல்துறை பங்களிப்பு தேவைப்படுகிறது. இந்த துறைகள் அனைத்தையும் ஒருங்கிணைத்து சரக்கு போக்குவரத்துக்காக நாட்டின் உள்கட்டமைப்பை மேம்படுத்தவே பிரதமரின் கதிசக்தி திட்டம் கொண்டுவரப்பட்டுள்ளது. இத்திட்டத்தின் கீழ் சென்னை துறைமுகம்-மதுரவாயல் இடையில் மத்திய, மாநில அரசுகளுடன் இணைந்து ரூபாய் 6 ஆயிரம் கோடியில் ஈரடுக்கு உயர்மட்ட மேம்பாலம் அமைக்கும் திட்டம் விரைவில் செயல்படுத்தப்பட இருக்கிறது. தற்போது விரிவான திட்ட அறிக்கை தயார் நிலையில் இருக்கிறது. அந்த வகையில் இந்த சாலை சுமார் 20 கிமீ தூரம் கொண்டது.
இந்நிலையில் சென்னை துறைமுகம்-மதுரவாயல் இடையிலான ஈரடுக்கு பாலம் அமைக்கும் பணி விரைவில் தொடங்கும் என்று துறைமுகத் தலைவர் சுனில் பாலிவால் தெரிவித்துள்ளார். ரூபாய் 6 ஆயிரம் கோடியில் பாலம் கட்டப்படும் என தெரிவிக்கப்பட்டுள்ளது. மதுரவாயல் முதல் கோயம்பேடு வரை ஓரடக்கு பாலம், கோயம்பேடு முதல் துறைமுகம் வரை ஈரடுக்கு பாலம் என்று 20 கிலோ மீட்டர் தூரத்திற்கு பாலம் அமைய இருக்கிறது.