கடையின் மேற்கூரையை உடைத்து பணம் திருடிய மர்ம நபரை காவல்துறையினர் தீவிரமாக தேடி வருகின்றனர்.
திருவாரூர் மாவட்டத்தில் உள்ள குடவாசல் பகுதியில் சம்சுதீன் என்பவர் வசித்து வருகிறார். இவர் அதே பகுதியில் அரிசி கடை ஒன்று வைத்து நடத்தி வருகிறார். இந்நிலையில் கடந்த 15-ஆம் தேதி சம்சுதீன் கடையை பூட்டி விட்டு வீட்டிற்கு சென்றுவிட்டார். இதனையடுத்து மறுநாள் காலை வந்து பார்த்த போது கடையின் மேற்கூரை உடைக்கப்பட்டு இருந்ததை கண்டு சம்சுதின் அதிர்ச்சி அடைந்தார்.
அதன் பின்னர் உள்ளே சென்று பார்த்தபோது கடையில் வைத்திருந்த 6 ஆயிரம் ரூபாயை பணத்தை மர்ம நபர்கள் திருடி சென்றது தெரியவந்தது. இதுகுறித்து சம்சுதீன் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் கைரேகை நிபுணர்கள் மூலம் தடயங்களை சேகரித்து பணத்தை திருடிய மர்ம நபர் குறித்து தீவிர விசாரணை மேற்கொண்டு வருகின்றனர்.