ஆர். ஜே. பாலாஜியின் ‘வீட்ல விசேஷங்க’ திரைப்படம் ஜூன் மாதம் ரிலீஸ் செய்வதாக தெரிவித்துள்ளனர்.
ஆர். ஜே. பாலாஜி தமிழ் சினிமாவில் பிரபல நடிகராக வலம் வருபவர். இவர் ”எல்கேஜி” படத்தின் மூலம் ஹீரோவாக அறிமுகமானார். இதனை தொடர்ந்து முன்னணி நடிகையான நயன்தாரா உடன் இணைந்து ”மூக்குத்தி அம்மன்” என்ற பெரிய ஹிட் படத்தைக் கொடுத்தார்.பாலிவுட்டில் கடந்த 2018-ஆம் ஆண்டு ஆயுஷ்மான் குரானா நடிப்பில் வெளியான பதாய் ஹோ என்ற காமெடி திரைப்படம் சூப்பர் ஹிட் அடித்தது.
தற்போது இந்த படம் தமிழில் ரீமேக் செய்யப்பட உள்ளது. இந்த படத்தை ஆர்.ஜே.பாலாஜி இயக்கி நடிக்க இருக்கிறார்.’வீட்ல விசேஷங்க’ என இந்த படத்திற்கு டைட்டில் வைக்கப்பட்டுள்ளதாக கூறப்படுகிறது. போனி கபூரின் ஜீ ஸ்டுடியோஸ் நிறுவனம் தயாரிக்கின்ற இப்படத்தின் ஃபர்ஸ்ட் லுக் மற்றும் டைட்டில் வெளியாகியுள்ளது. இந்த போஸ்டரில் ஊர்வசிக்கு வளைகாப்பு நடப்பது போல் காணப்படுகிறத. அதனுடன் குடும்பத்தோடு வாருங்கள் என்றும் தெரிவிக்கப்பட்டுள்ளது. மேலும் இந்த திரைப்படம் ஜூன் மாதம் வெளியாக இருப்பதாக தகவல் வெளியாகி உள்ளது.