1 1/2 வயது குழந்தை டிராக்டர் கலப்பையின் மீது மோதி உயிரிழந்த சம்பவம் சோகத்தை ஏற்படுத்தியுள்ளது.
விருதுநகர் மாவட்டத்திலுள்ள ஸ்ரீவில்லிபுத்தூரில் இருக்கும் கரும்பு தோட்டத்தில் முத்துராஜ் என்பவர் தனது குடும்பத்துடன் தங்கி வேலை பார்த்து வருகிறார். இவருக்கு 1 1/2 வயதுடைய நிஷாந்த் என்ற குழந்தை இருந்துள்ளது. இந்நிலையில் கரும்பு தோட்டத்தில் விளையாடிக் கொண்டிருந்த நிஷாந்த் நின்று கொண்டிருந்த டிராக்டர் கலப்பை மீது எதிர்பாராதவிதமாக மோதிவிட்டான்.
இதனால் படுகாயமடைந்த குழந்தையை குடும்பத்தினர் மீட்டு மருத்துவமனைக்கு சிகிச்சைக்காக கொண்டு சென்றனர். அங்கு குழந்தையை பரிசோதித்த மருத்துவர்கள் நிஷாந்த் ஏற்கனவே இறந்துவிட்டதாக தெரிவித்துள்ளனர். இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.