மோட்டார் சைக்கிள் நிலைதடுமாறிய விபத்தில் ராணுவ வீரர் உயிரிழந்த சம்பவம் சோகத்தை ஏற்படுத்தியுள்ளது.
மதுரை மாவட்டத்திலுள்ள திருமங்கலம் பகுதியில் சிவகுமார் என்பவர் வசித்து வருகிறார். இவருக்கு ராணுவ வீரரான கணேஷ்குமார் என்ற மகன் இருந்துள்ளார். தற்போது விடுமுறையில் சொந்த ஊருக்கு வந்த கணேஷ்குமார் தனது நண்பருடன் இருசக்கர வாகனத்தில் வெளியே சென்றுள்ளார். இந்நிலையில் பாரம்புபட்டி அருகே சென்று கொண்டிருந்தபோது நிலைதடுமாறிய மோட்டார் சைக்கிளிலிருந்து கணேஷ்குமார் கீழே விழுந்து படுகாயமடைந்தார்.
இதனை பார்த்து அதிர்ச்சி அடைந்தவர்கள் கணேஷ் குமாரை மீட்டு மருத்துவமனையில் சிகிச்சைக்காக அனுமதித்தனர். ஆனால் அங்கு அளிக்கப்பட்ட சிகிச்சை பலனின்றி கணேஷ்குமார் பரிதாபமாக உயிரிழந்துவிட்டார். இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.