விஜய் சேதுபதியின் ‘மாமனிதன்’ படத்தின் ரிலீஸ் தேதி அறிவிக்கப்பட்டுள்ளது.
தமிழ் சினிமாவின் பிரபல முன்னணி நடிகர்களில் ஒருவராக வலம் வருபவர் விஜய் சேதுபதி. இவர் நடிப்பில் சமீபத்தில் வெளியான திரைப்படம் கடைசி விவசாயி. இந்த திரைப்படம் ரசிகர்கள் மத்தியில் நல்ல வரவேற்பை பெற்றது. இதனை தொடர்ந்து இவர் நடிப்பில் விக்ரம், காத்துவாக்குல ரெண்டு காதல், விடுதலை போன்ற திரைப்படங்கள் அடுத்தடுத்து ரிலீசாக உள்ளது.
இதனையடுத்து, இயக்குனர் சீனு ராமசாமி இயக்கத்தில் இவர் நடிப்பில் தற்போது உருவாகியுள்ள திரைப்படம் ”மாமனிதன்”. இந்த படத்தில் காயத்ரி, அனிகா, குரு சோமசுந்தரம் மற்றும் பலர் முக்கிய கதாபாத்திரத்தில் நடித்துள்ளனர். எம், சுகுமார் ஒளிப்பதிவு செய்யும் இந்த படத்திற்கு ஸ்ரீகர் பிரசாத் படத்தொகுப்பு செய்துள்ளார். இந்நிலையில், இந்த திரைப்படம் வருகிற மே மாதம் 6 தேதி திரையரங்கில் ரிலீஸ் ஆகும் என அறிவிக்கப்பட்டுள்ளது.