மோட்டார்சைக்கிள் விபத்துக்குள்ளானதில் விவசாயி உயிரிழந்த சம்பவம் சோகத்தை ஏற்படுத்தியுள்ளது.
தென்காசி மாவட்டத்திலுள்ள ஆலங்குளம் கிராமத்தில் விவசாயியான சந்திரசேகர் என்பவர் வசித்து வந்துள்ளார். இவர் தனது மோட்டார் சைக்கிளில் வெளியே சென்றுள்ளார். இந்நிலையில் நொச்சிகுளம் அருகே சென்று கொண்டிருந்தபோது திடீரென நிலைதடுமாறி மோட்டார் சைக்கிளில் இருந்து சந்திரசேகர் கீழே விழுந்து படுகாயமடைந்தார்.
இதனை அடுத்து படுகாயமடைந்த சந்திரசேகரை அருகில் உள்ளவர்கள் மீட்டு மருத்துவமனைக்கு சிகிச்சைக்காக அனுப்பி வைத்தனர். ஆனால் அங்கு அளிக்கப்பட்ட சிகிச்சை பலனின்றி சந்திரசேகர் பரிதாபமாக உயிரிழந்துவிட்டார். இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.