ஈரோடு அருகில் தடுப்புச் சுவரில் டேங்கர் லாரி மோதிய விபத்தில் அதிர்ஷ்டவசமாக ஓட்டுனர் உயிர் தப்பினார்.
ஈரோட்டிற்கு அவல்பூந்துறையிலிருந்து நேற்று அதிகாலை பால் பாரம் ஏற்றிக்கொண்டு டேங்கர் லாரி ஒன்று வந்துகொண்டிருந்தது. அப்போது அந்த லாரி ஈரோடு அருகில் முள்ளாம்பரப்பு பகுதியில் வரும்போது ரோட்டின் நடுவில் வைக்கப்பட்டிருந்த தடுப்புச்சுவர் மீது எதிர்பாராத விதமாக திடீரென மோதியது.
இதனால் லாரியின் முன்பக்கம் சேதமடைந்துள்ளது. இந்த விபத்தில் அதிர்ஷ்டவசமாக லாரியின் ஓட்டுனர் காயமில்லாமல் உயிர் தப்பியுள்ளார். இது தொடர்பாக தடுப்புச் சுவர் பகுதியில் எச்சரிக்கை ஒளிரும் குறியீடு பொருத்த வேண்டும் என்று வாகன ஓட்டிகள் கோரிக்கை வைத்துள்ளனர்.