கல்வி உதவித் தொகையுடன் தமிழ்ச் சுவடிகள் மாணவர்கள் சேர்க்கைக்கான அறிவிப்பு வெளியிடப்பட்டிருக்கிறது.
உலகத் தமிழாராய்ச்சி நிறுவனத்தில் கடந்த 2013ஆம் ஆண்டில் தமிழ் சுவடியியல் மற்றும் பதிப்பியல் பட்டயப்படிப்பு நடத்தப்பட்டு வருகிறது. இந்தப் படிப்புகள் தற்போது மாணவர் சேர்க்கை தொடங்க உள்ளதால் அதற்கான எழுத்துத் தேர்வு வரும் ஏப்ரல் மாதம் 13ம் தேதி உலக தமிழாராய்ச்சி நிறுவனத்தில் நடக்க இருக்கிறது. இந்த படிப்புகளில் சேர விரும்புவோர் இந்நிறுவனத்தின் www.ulakththamizh.in என்ற இணையதளத்தில் இருந்து விண்ணப்பங்கள் பதிவு இறக்கம் செய்யலாம் அல்லது நேரிலும் பெற்றுக்கொள்ளலாம்.
இந்தப் படிப்புக்கான சேர்க்கை கட்டணம் ரூபாய் 3,100. கல்வித்தகுதி குறைந்தபட்சம் 10-ஆம் வகுப்பு தேர்ச்சி பெற்றிருக்க வேண்டும். மேலும் வயது வரம்பு எதுவும் கிடையாது. விண்ணப்பங்களை பூர்த்தி செய்து Director,international institute of tamil studies என்ற பெயரில் டிடியும் பள்ளி கல்வித்துறை சான்று மற்றும் மாற்றுச் சான்று நகல்கள் இணைத்து நேரிலோ, அல்லது தபால் மூலமாகவோ அனுப்பவும் அத்துடன் வாட்ஸ்அப் எண் குறிப்பிட்டு அனுப்பப்படவேண்டும். விண்ணப்பங்கள் வரும் ஏப்ரல் 11-ம் தேதிக்குள் வந்து சேர வேண்டும். மேலும் வகுப்புகள் 25ஆம் தேதி முதல் நேரடியாக நடக்க இருக்கிறது. இது பற்றிய கூடுதல் தகவல்கள் பெற விரும்புவோர் 044-2254 2992 என்ற எண்ணிலும் தொடர்பு கொள்ளலாம் என அதில் தெரிவிக்கப்பட்டுள்ளது.