ஐ.பி.எல். கிரிக்கெட்டில் சென்னை சூப்பர் கிங்ஸ் அணிக்காக விளையாடி வந்த சுரேஷ் ரெய்னாவை ஏலத்தில் யாரும் எடுக்கவில்லை. இதனால் சுரேஷ் ரெய்னா அடுத்த அவதாரமாக இந்த சீசனில் வர்ணனையாளராக செயல்பட உள்ளார். இது குறித்து அவர் அளித்த பேட்டியில், ‘வர்ணனையாளர் பணிக்கு என்னை தயார்படுத்தி கொண்டுள்ளேன்.
எனது நண்பர்கள் இர்பான் பதான், ஹர்பஜன்சிங், பியுஸ் சாவ்லா ஏற்கனவே வர்ணனையாளராக உள்ள நிலையில் இந்த சீசனில் ரவிசாஸ்திரியும் வர்ணனை குழுவில் இடம் பெற்றுள்ளார். எனவே இது எனக்கு மிக எளிதாக உள்ளது. தேவையான ஆலோசனைகளை அவர்களிடம் இருந்து பெற்றுக் கொள்வேன் என்றும் கூறினார்.
சென்னை சூப்பர் கிங்ஸ் வீரர்கள் ரவீந்திர ஜடேஜா, அம்பத்தி ராயுடு, ராபின் உத்தப்பா, வெய்ன் பிராவோ ஆகியோரால் அணியை வழிநடத்த முடியும் எனவும் கேப்டன்ஷிப்புக்குரிய திறமை இவர்களிடம் உள்ளதோடு ஆட்டத்தை நன்றாக புரிந்து நடத்திச்செல்ல கூடிய திறனை பெற்றுள்ளனர். டோனிக்கு பிறகு சென்னை அணியின் அடுத்த கேப்டானாக இவர்களால் வர முடியும் ’என்று கூறினார்.