15 வது ஐ பி எல் போட்டியானது கோலாகலமான முறையில் ரசிக பெருமக்களுடன் இன்று தொடங்கியது. இதில் 4 முறை சாம்பியனான சென்னை சூப்பர் கிங்ஸ், ஐதராபாத் சன்ரைசர்ஸ், பெங்களூரு ராயல் சேலஞ்சர்ஸ், பஞ்சாப் கிங்ஸ், குஜராத் டைட்டன்ஸ் ஆகியவை பி பிரிவிலும், 5 முறை சாம்பியனான மும்பை இந்தியன்ஸ், கொல்கத்தா நைட் ரைடர்ஸ், ராஜஸ்தான் ராயல்ஸ், டெல்லி கேப்பிட்டல்ஸ், லக்னோ சூப்பர் ஜெயன்ட்ஸ் ஆகியவை ஏ பிரிவிலும் இடம்பெற்றுள்ளன.
இந்நிலையில் முதல் லீக் போட்டியானது மும்பை வான்கடே மைதானத்தில் இன்றிரவு நடைபெறுகிறது. இதில் நடப்பு சாம்பியனான சென்னை சூப்பர் கிங்ஸ், கொல்கத்தா நைட் ரைடர்ஸ் அணிகள் மோதுகின்றது. சென்னை சூப்பர் கிங்ஸ் அணிக்கு ரவீந்திர ஜடேஜா புதிய கேப்டனாகி இருக்கிறார். ஆனாலும், ஒரு வீரராக டோனி அணியில் நீடிப்பது சென்னைக்கு மிகுந்த பலமாக அமைகிறது. அதோடு நம்பிக்கை தரும் வகையில் கடந்த சீசனில் ருதுராஜ் கெய்க்வாட், டேவன் கான்வே, வெய்ன் பிராவோ, அம்பதி ராயுடு, உத்தப்பா ஆகியோர் 635 ரன்கள் குவித்து ஆரஞ்சு நிற தொப்பியை பெற்றனர்.
கொல்கத்தா அணியை பொறுத்தவரை பந்து வீச்சில் சுனில் நரைன், வருண் சக்ரவர்த்தி, டிம் சவுத்தி, ஷிவம் மாவி ஆகியோர் வலு சேர்க்கிறார்கள் அதுமட்டுமில்லாமல் கேப்டன் ஸ்ரேயாஸ் அய்யர், ஆண்ட்ரு ரஸ்செல், ஆல்-ரவுண்டர் வெங்கடேஷ் அய்யர், நிதிஷ் ராணா ஆட்டத்தை மிரட்டி வருகின்றனர். இந்த இரு அணிகளும் சீரான பலத்தை பெற்றுள்ளதால் ரசிகர்கள் அனைவரும் பெரும் ஆவலுடன் எதிர்பார்க்கின்றனர். மேலும் இரு அணிகளும் இதுவரை 25 முறை நேருக்கு நேர் போட்டியில் ஈடுபட்டுள்ளன. இதில் 8 முறை கொல்கத்தா அணியும், 17 முறை சென்னை அணியும் வெற்றி பெற்றுள்ளன. இந்த போட்டியானது ஸ்டார் ஸ்போர்ட்ஸ் சேனலில் இன்று 7.30 மணிக்கு நேரடியாக ஒளிபரப்பாகிறது.