கிணற்றுக்குள் தவறி விழுந்து இன்ஜினியர் உயிரிழந்த சம்பவம் சோகத்தை ஏற்படுத்தியுள்ளது.
சேலம் மாவட்டத்தில் உள்ள தலவாய்பட்டி செல்வராஜ் என்பவர் வசித்து வருகிறார். இவருக்கு என்ஜினீயரான கோபிநாத் என்ற மகன் இருந்துள்ளார். இந்நிலையில் கோபிநாத் தனது நண்பர்களுடன் புதுரோடு பகுதியில் வைத்து மது அருந்தியுள்ளார். இதனை அடுத்து மது போதையில் தள்ளாடியபடி நடந்து சென்ற கோபிநாத் கிணற்றுக்குள் தவறி விழுந்துவிட்டார். இதனை பார்த்து அதிர்ச்சியடைந்த நண்பர்கள் உடனடியாக தீயணைப்பு வீரர்களுக்கு தகவல் தெரிவித்துள்ளனர்.
அந்த தகவலின் படி சம்பவ இடத்திற்கு விரைந்து சென்ற தீயணைப்பு வீரர்கள் சுமார் 10 மணி நேர போராட்டத்திற்கு பிறகு கோபிநாத்தின் சடலத்தை மீட்டனர். அதன்பின் காவல்துறையினர் வாலிபரின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.