மோட்டார் சைக்கிள் மீது கார் மோதிய விபத்தில் இராணுவவீரர் உயிரிழந்த சம்பவம் சோகத்தை ஏற்படுத்தியுள்ளது.
விழுப்புரம் மாவட்டத்திலுள்ள சொக்கநாதன் கிராமத்தில் சத்யராஜ் என்பவர் வசித்து வந்துள்ளார். இவர் பஞ்சாப்பில் ராணுவ வீரராக பணியாற்றி வந்துள்ளார். இவருக்கு சினேகா என்ற மனைவி உள்ளார். இந்த தம்பதியினருக்கு திருமணமாகி ஒரு வருடம் ஆகிறது. இந்நிலையில் விடுமுறைக்கு சத்யராஜ் சொந்த ஊருக்கு வந்திருந்தார். இந்நிலையில் சத்யராஜ் மோட்டார் சைக்கிளில் திருவண்ணாமலை மாவட்டம் காட்டாம்பூண்டி கிராமத்தில் உள்ள மாமனார் வீட்டிற்கு தனது மனைவியை பார்ப்பதற்காக சென்றுள்ளார்.
அப்போது ராதாபுரம் கிராமத்திற்கு அருகில் சென்று கொண்டிருந்தத போது திருவண்ணாமலை நோக்கி வந்த கார் திடீரென சத்யராஜின் மோட்டார் சைக்கிள் மீது பயங்கரமாக மோதியது. இந்த விபத்தில் பலத்த காயமடைந்த சத்யராஜ் சம்பவ இடத்திலேயே பரிதாபமாக உயிரிழந்தார். மேலும் இதுகுறித்து சினேகா கொடுத்த புகாரின் பேரில் வழக்கு பதிவு செய்த தண்டராம்பட்டு காவல்துறையினர் கார் டிரைவரான தினகரன் என்பவரை கைது செய்துள்ளனர்.