போலீஸ்காரர் திடீரென மயங்கி விழுந்து உயிரிழந்த சம்பவம் சோகத்தை ஏற்படுத்தியுள்ளது.
மதுரை மாவட்டத்திலுள்ள திருமங்கலத்தில் கார்த்திக் என்பவர் வசித்து வந்துள்ளார். இவர் டீ.கல்லுப்பட்டி காவல் நிலையத்தில் போலீஸ்காரராக வேலை பார்த்து வந்துள்ளார். இந்நிலையில் விடுமுறை எடுத்து வீட்டில் இருந்த கார்த்திக் நேற்று மதியம் திருமங்கலம்- சோழவந்தான் ரோட்டில் வகைகுளம் பிரிவு அருகே சென்று கொண்டிருந்த போது திடீரென மயங்கி கீழே விழுந்துவிட்டார்.
இதனைப் பார்த்த அக்கம்பக்கத்தினர் உடனடியாக கார்த்திக்கை மீட்டு மருத்துவமனைக்கு சிகிச்சைக்காக அனுப்பி வைத்தனர். அங்கு அவரை பரிசோதித்து பார்த்த மருத்துவர்கள் கார்த்திக் ஏற்கனவே இறந்துவிட்டதாக தெரிவித்துள்ளனர். இது குறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.