சாகுபடி பயிர்களில் ஆளில்லா குட்டி விமானம் மூலம் மருந்து தயாரிக்கும் பணி தீவிரமாக நடைபெற்று வருகிறது.
கள்ளக்குறிச்சி மாவட்டத்தில் உள்ள வடகீரனூர், மேல சிறுவல்லூர், வடபொன்பரப்பி, கடுவனூர், கானாங்காடு, புதூர்ப்பாக்கம், மூங்கில்துறைப்பட்டு போன்ற பகுதிகளில் விவசாயிகள் பயிர்களை சாகுபடி செய்துள்ளனர். இவர்கள் கரும்பு மக்காச்சோளம், கேழ்வரகு, உளுந்து, நெல், மணிலா, கேழ்வரகு, சாமந்தி உள்ளிட்ட பல பயிர்களை பயிரிட்டுள்ளனர்.
இந்தப் பயிர்களை குருத்துப்பூச்சி மற்றும் பஞ்சு அஸ்வினி பூச்சிகள் பெருமளவுக்குத் தாக்கி சேதப்படுத்துகிறது. இந்தப் பூச்சிகளைக் கட்டுப்படுத்த முடியாமல் விவசாயிகள் பெரும் அவதிக்குள்ளாகியுள்ளனர். எனவே 1,000 ரூபாய் செலவு செய்து ஆளில்லா குட்டி விமானம் மூலம் மருந்து தெளிக்கும் பணியில் ஈடுபட்டுள்ளனர். மேலும் வேளாண்மை அதிகாரிகள் பூச்சிகளை கட்டுப்படுத்த உரிய நடவடிக்கை எடுக்க வேண்டும் என கோரிக்கை விடுத்துள்ளனர்.