தமிழகத்தில் பொதுத்தேர்வு எழுதப் போகும் மாணவர்களுக்கு அகமதிப்பீடு மதிப்பெண்களை ஏப்ரல் 19ம் தேதிக்குள் இணையத்தில் பதிவேற்றம் செய்ய வேண்டும் என தேர்வுத்துறை இயக்குனர் சா.சேதுராமவர்மா உத்தரவிட்டுள்ளார். மேலும் இது தொடர்பாக அவர், மாவட்ட முதன்மை கல்வி அதிகாரிகளுக்கு அனுப்பிய சுற்றறிக்கையில் தெரிவித்துள்ளதாவது, 11 மற்றும் 12 ஆம் வகுப்பு மாணவர்களுக்கு பொதுத்தேர்வு வருகிற மே மாதம் நடைபெற உள்ளது.
இந்நிலையில் ஏப்ரல் 25 முதல் மே 2-ஆம் தேதிக்குள் செய்முறை தேர்வுகள் நடைபெற உள்ளன. அதற்கு முன் மாணவர்களின் அகமதிப்பீடு மதிப்பெண்களை பதிவு செய்வதற்கான பணிகளை முடிக்கப்பட வேண்டும் என்று கூறியுள்ளார். இதையடுத்து ஏப்ரல் 7ஆம் தேதி முதல் 9-ஆம் தேதிக்குள் மாணவர்களின் மதிப்பெண் பட்டியல்களை தேர்வு துறை இணையதளத்தில் இருந்து பதிவிறக்கம் செய்து கொள்ள வேண்டும்.
மேலும் அதில் மாணவர்களின் அகமதிப்பீடு மதிப்பெண்களை தலைமையாசிரியர்கள் பூர்த்தி செய்து அதற்கான விவரங்களை ஏப்ரல் 12ஆம் தேதி 29-ஆம் தேதிக்குள் பதிவேற்ற வேண்டும் என்று தெரிவிக்கப்பட்டுள்ளது. இதனைத் தொடர்ந்து அதற்கான மதிப்பெண் பட்டியலை அந்தந்த மாவட்ட கல்வி அலுவலகத்தில் வருகிற மே 21ம் தேதிக்குள் சமர்ப்பிக்க வேண்டும் எனவும் மே 23-ஆம் தேதிக்குள் அதன் அறிக்கையை முதன்மை கல்வி அதிகாரிகள் அந்தந்த மாவட்ட தேர்வுத் துறை அதிகாரிகளிடம் ஒப்படைக்க வேண்டும் எனவும் கூறப்பட்டுள்ளது.