மோட்டார் சைக்கிள் மீது பேருந்து மோதிய விபத்தில் வாலிபர் படுகாயமடைந்த சம்பவம் பரபரப்பை ஏற்படுத்தியுள்ளது.
புதுக்கோட்டை மாவட்டத்திலுள்ள ஆதனக்கோட்டை யில் கணபதிபுரம் தெற்கு தெருவில் மணிமாறன் என்பவர் வசித்து வருகிறார். இவர் தனது மோட்டார் சைக்கிளில் நண்பரைப் பார்ப்பதற்காக சென்றுள்ளார். இந்நிலையில் தொண்டைமான் ஊரணி அருகே சென்று கொண்டிருந்த போது அவ்வழியாக வேகமாக வந்த பேருந்து மோட்டார் சைக்கிள் மீது மோதியது.
இந்த விபத்தில் படுகாயமடைந்த மணிமாறனை அருகில் உள்ளவர்கள் மீட்டு மருத்துவமனையில் சிகிச்சைக்காக அனுமதித்துள்ளனர். அங்கு அவருக்கு தீவிர சிகிச்சை அளிக்கப்பட்டு வருகிறது. இது குறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.