திருட்டுப்போன செல்போன்கள் மீட்க்கப்பட்டு உரிமையாளர்களிடம் ஒப்படைக்கப்பட்டுள்ளது.
கள்ளக்குறிச்சி மாவட்டத்தில் 6 மாதங்களாக திருடப்பட்ட மற்றும் தவறவிட்ட செல்போன்கள் காவல்துறையினரால் மீட்கப்பட்டுள்ளது. இதில் 61 செல்போன்கள் மீட்க்கப்பட்டுள்ளது. இதன் மொத்த மதிப்பு ரூபாய் 9 லட்சம் ஆகும். இந்த செல்போன்களை உரிமையாளர்களிடம் ஒப்படைக்கும் விழா மாவட்ட போலீஸ் சூப்பிரண்டு அலுவலகத்தில் வைத்து நடைபெற்றது. இந்த விழாவில் மாவட்ட போலீஸ் சூப்பிரண்டு செல்வகுமார் கலந்து கொண்டார்.
இவர் உரிமையாளர்களிடம் செல்போன்களை ஒப்படைத்தார். மேலும் கூடுதல் போலீஸ் சூப்பிரண்டுகள் சுப்புராயன், ஜவர்ஹர்லால், குற்ற ஆவண காப்பகப்பிரிவு துணை போலீஸ் சூப்பிரண்டு சுரேஷ், மாவட்ட தனிப்பிரிவு இன்ஸ்பெக்டர் கிருஷ்ணமூர்த்தி, தனிப்பிரிவு சப்-இன்ஸ்பெக்டர் சண்முகம் மற்றும் காவலர்கள் உள்ளிட்ட பலர் கலந்து கொண்டனர்.