நெல்சன் திலிப்குமார் இயக்கத்தில் நடிகர் விஜய் நடிப்பில் உருவாகியுள்ள ” பீஸ்ட்” திரைப்படம் வரும் 13 ஆம் தேதி திரையரங்குகளில் வெளியாக இருக்கிறது. பூஜா ஹெக்டே, அபர்ணா தாஸ், செல்வராகவன் என திரையுலக பிரபலங்கள் பலர் இந்த படத்தில் இணைந்து நடித்துள்ளனர். நெல்சன் திலீப்குமார் இந்த திரைப்படத்தை இயக்கியுள்ளார். அனிருத் இசை அமைத்துள்ளார்.
இந்த படத்தின் டிரைலர் நேற்று முன்தினம் வெளியாகி ரசிகர்கள் மத்தியில் இணையத்தில் அதிகமாக பகிரப்பட்டு வந்தது. நடிகர் விஜய் பேசும் அதிரடி வசனங்கள் மற்றும் சண்டை காட்சிகள் படத்தின் மீது பெரும் எதிர்பார்ப்பை ஏற்படுத்தியுள்ளது. இந்நிலையில் பீஸ்ட் திரைப்படத்தின் டிரைலர் வெளியீட்டு விழாவில் திருநெல்வேலி ராம் திரையரங்கை விஜய் ரசிகர்கள் கடுமையாக சேதம் செய்ததை தொடர்ந்து இதுபோன்று இனி ட்ரெய்லரை வெளியிட வேண்டாம் என்று தமிழ்நாடு திரையரங்க உரிமையாளர் சங்கத் தலைவர் திருப்பூர் சுப்பிரமணியம் கேட்டுக்கொண்டுள்ளா.ர் இது போன்ற நிகழ்வுகளில் கூட்டம் அதிகம் கூடுவதால் அதில் நடக்கும் விபரீதங்களுக்கு திரையரங்கு உரிமையாளர் பொறுப்பேற்கும் நிலை ஏற்படும் என்று எச்சரிக்கை விடுத்துள்ளார்.