பெரியார் குறித்து சர்சைக்குரிய வகையில் கூறிய கருத்துக்கு வருத்தம் தெரிவிக்கப்போவதில்லை என்று ரஜினி கூறியது சமூக வலைதளத்தில் ட்ரெண்டாகி வருகின்றது.
அண்மையில் துக்ளக் விழாவில் நடிகர் ரஜினிகாந்த் பேசிய போது பெரியார் நடத்திய ஒரு ஊர்வலத்தில் ராமர் , சீதை உருவபொம்மைகள் ஆடை இல்லாமல் செருப்பு மாலை அணிவித்து அவமதிக்கப்பட்டது என்று தெரிவித்த கருத்து பெரும் சர்ச்சையை ஆகியது. இதற்கு நடிகர் ரஜினி வருத்தம் தெரிவிக்கவேண்டும் , மன்னிப்பு கேட்கவேண்டுமென்று திராவிட கழகம் உள்ளிட்டவை தொடர்ந்து வலியுறுத்தி வருகின்றனர். இதுகுறித்து சென்னையில் போயஸ் தோட்டத்தில் உள்ள இல்லத்தில் செய்தியாளர்களை சந்தித்து ரஜினி விளக்கமளித்தார் .
அதில் தாம் ஊடகங்களில் வந்ததையே கூறியதாக ரஜினிகாந்த் தெரிவித்துள்ளார். மேலும் இல்லாத விஷயம் ஒன்றும் நான் சொல்ல, கற்பனையாக ஒன்னும் சொல்லல , மத்தவங்க சொன்னதுதான் நான் சொல்லி இருக்கேன். இது சர்ச்சையாகி இருக்கிறது , இதுக்கு நான் மன்னிப்பு கேட்கணும் , வருத்தம் தெரிவிக்கனும் என்று சொல்றாங்க. சாரி நான் மன்னிப்பு கேட்க முடியாது வருத்தம் தெரிவிக்க முடியாது என்று தாழ்மையுடன் சொல்லிக் கொள்கிறேன் என்று ரஜினி ஆதாரத்துடன் தெரிவித்தார்.
ரஜினியின் இந்த கருத்துக்கு ஆதரவும் , எதிர்ப்பும் ஒரு சேர எழுந்துள்ளது. ரஜினியின் இந்த கருத்துக்கு ஆதரவாக அவரின் ரசிகர்கள் #மன்னிப்பு_கேட்க_முடியாது , #ரஜினிகாந்த் , #Rajinikanth என்ற ஹாஷ்டகை ட்ரென்ட் செய்து வருகின்றனர். அதே போல இவரின் இந்த கருத்துக்கு எதிராக #சூப்பர்சங்கிரஜினி என்ற ஹாஷ்டக்கும் ட்ரெண்டாகி வருகின்றது.