மாற்றுத் திறனாளிகள், நோயாளிகள், மாணவர்களுக்கு ரயில் கட்டண சலுகை தொடர்ந்து வழங்கப்படும் என்று மத்திய அமைச்சர் அஸ்வின் வைஷ்ணவ் தெரிவித்துள்ளார். இருப்பினும் மூத்த குடிமகன்களுக்கு ரயில் கட்டணத்தில் சலுகை நிராகரித்துள்ளது. இதனால் பலரும் மத்திய அரசுக்கு கண்டனம் தெரிவித்து வருகின்றனர். 2019 ஆம் ஆண்டு முதல் 2020 ஆம் ஆண்டுகளில் மூன்றில் ஒரு குறைந்த ரயில்வே வருவாயானது, 2021 – 2022-யில் மேலும் குறைந்துள்ளது. இதனால் முதியவர்களுக்கான கட்டண சலுகை உள்ளிட்டவற்றை வழங்க முடியவில்லை.
ஆனால் மாற்றுத் திறனாளிகள், நோயாளிகள் மற்றும் மாணவர்களுக்கு தொடர்ந்து சலுகை வழங்கப்படும் என்று அவர் தெரிவித்தார். மேலும் அனைவருக்கும் கட்டண சலுகை வழங்குவது தற்போது சாத்தியமில்லாதது என்று அவர் தெரிவித்துள்ளார். நோயாளிகளுக்கு ரயில் கட்டண சலுகை வழங்கப்பட்டது வரவேற்பு தெரிவிக்கப்பட்டுள்ள நிலையில், மூத்த குடிமக்களுக்கும் கட்டாயம் ரயில் கட்டணத்தில் சலுகை வழங்க வேண்டும் எனவும் பலரும் கோரிக்கை விடுத்து வருகின்றனர்.