கோலிவுட் வட்டாரம் எதிர்பார்த்து காத்துக் கொண்டிருந்த விஜய்யின் புது பட டிரைலர் கடந்த சனிக்கிழமை மாலை வெளியாகி உள்ளது. மாஸ்டர் படத்தின் வெற்றியை தொடர்ந்து தற்போது இந்த படத்தில் நடித்து முடித்திருக்கிறார் விஜய். ஏப்ரலில் படம் வெளியாக இருக்கும் நிலையில் தற்போது வெளியாகியுள்ள படத்தின் டிரைலர் ரசிகர்கள் மத்தியில் மிகப் பெரும் எதிர்பார்ப்பினை ஏற்படுத்தியுள்ளது.
சன் பிக்சர்ஸ் தயாரிக்கும் பீஸ்ட் படத்தில் விஜய்க்கு ஜோடியாக பூஜா ஹெக்டே நடித்திருக்கிறார். மேலும் இந்த படத்தில் மலையாள நடிகர் ஷைன் டாம் சாக்கோ மற்றும் இயக்குனர் செல்வராகவன் போன்றோர் நடித்து இருக்கின்றார்கள். இந்த நிலையில் கடந்த மாதம் 14ஆம் தேதி காதலர் தினத்தன்று வெளியான பீஸ்ட் படத்தில் பர்ஸ்ட் சிங்கிளான “ஹலமித்தி ஹபிபோ” பாடல் பட்டி தொட்டியெங்கும் ஒலித்து வருகிறது. அதனை தொடர்ந்து விஜய் குரலில் வெளியான ‘ஜாலியோ ஜிம்கானா’ பாடலும் யூட்யூப்பில் பல கோடி பார்வையாளர்களை கடந்து சாதனை படைத்து வருகிறது.
இந்த நிலையில் கடந்த சனிக்கிழமை மாலை வெளியான ‘பீஸ்ட்’ பட டிரெய்லர் 24 மணி நேரத்தில் 30 மில்லியன்கள் முறை யூடியூபில் பார்த்திருக்கின்றனர். அதாவது மூன்றுகோடி முறை பார்க்கப்பட்டுள்ளது. 2.2 மில்லியன் லைக்குகள் குவிந்துள்ளது. அஜித்தின் வலிமைப் படத்தின் டிரெய்லர் 3 மாதங்களில் பெற்ற 23 மில்லியன்கள் யூடியூப் பார்வையாளர்களை ‘பீஸ்ட்’ பட டிரெய்லர் 24 மணி நேரத்தில் முறியடித்து சாதனை படைத்திருக்கிறது. இந்நிலையில் ‘பீஸ்ட்’ படம் ஏப்ரல் 13 ஆம் தேதி திரையரங்குகளில் வெளியாகவுள்ளது குறிப்பிடத்தக்கதாகும்.