கூகுள் குட்டப்பன் படத்தின் பாடலை இயக்குனர் ராஜமௌலி வெளியிடுவார் என படக்குழு அறிவிப்பு வெளியிட்டுள்ளது.
கேஎஸ் ரவிக்குமாரின் கூகுள் குட்டப்பா படத்தின் முக்கிய அப்டேட் கேஆர்ஆர் படத்தின் இயக்குனர் வெளியிடுவதாக அறிவிக்கப்பட்டிருக்கிறது. பிரபல இயக்குனரான கேஎஸ் ரவிக்குமார் தயாரித்து நடித்துள்ள படம் ‘கூகுள் குட்டப்பா’. மலையாளத்தில் கடந்த சில ஆண்டுகளுக்கு முன் வெளியான ஆண்ட்ராய்டு குஞ்சப்பன் வெர்ஷன் 5.25 திரைப்படத்தின் அதிகாரப்பூர்வ ரீமேக் ஆக இந்த படம் உருவாகிகொண்டிருக்கிறது.
பிக்பாஸ் பிரபலங்கள் தர்ஷன் மற்றும் லாஸ்லியா போன்ற இருவரும் இணைந்து இந்த படத்தில் முக்கிய கதாபாத்திரத்தில் நடித்து வருகின்றனர். காமெடி கலாட்டாவில் உருவாகியுள்ள இந்த படத்தில் யோகிபாபு, மனோபாலா, மாரியப்பன், ப்ராங் ஸ்டார் ராகுல் போன்றோர் நடித்து வருகின்றனர். இந்த படம் விரைவில் வெளியாக இருக்கிறது. இந்த படத்தின் டிரைலர் வெளியாகி நல்ல வரவேற்பை பெற்றுள்ளது. இந்த படத்தை கே எஸ் ரவிகுமார் உதவி இயக்குனர்களாக இருந்து சபரி மற்றும் சரவணன் போன்றோர் இணைந்து இயக்கியுள்ளனர்.
இந்த நிலையில் ஏற்கனவே இந்த படத்தின் ஜிப்ரான் இசையில் உருவாகியுள்ள இரண்டு பாடல்கள் வெளியாகி உள்ள நிலையில்,தற்போது மூன்றாவது பாடல் குறித்த அறிவிப்பு தற்போது வெளியாகியிருக்கிறது. அதன்படி இந்த படத்தின் மூன்றாவது பாடலில் வரும் ஏப்ரல் 6-ஆம் தேதி மாலை 4.30 மணிக்கு கேஆர்ஆர் படத்தின் இயக்குனர் ராஜமௌலி வெளியிடுவார் என அறிவிக்கப்பட்டிருக்கிறது. மேலும் ராஜமௌலி இந்த பாடலை வெளியிடுவது ரசிகர்களிடையே முக்கியத்துவம் பெறுகிறது.