நடிகர் விஜய் நடித்துள்ள படம் பீஸ்ட். இந்த திரைப்படத்தை நெல்சன் திலீப்குமார் இயக்கியுள்ளார். இதற்கு அனிருத் இசை அமைத்துள்ளார். இந்தப் படம் வருகின்ற ஏப்ரல் 13 ஆம் தேதி திரைக்கு வர உள்ளது. இந்த நிலையில் சிவகார்த்திகேயன் எழுதி, அனிருத் பாடிய அரபிக் குத்து பாடல் முன்னதாக வெளியாகி ரசிகர்கள் மத்தியில் நல்ல வரவேற்ப்பை பெற்றுள்ளது. இந்தப் பாடல் யூ டியூபில் 253 மில்லியன் பார்வையாளர்களை கடந்து புதிய சாதனையைப் படைத்துள்ளது.
அதுமட்டுமல்லாமல் பீஸ்ட் படத்தின் ட்ரெய்லர் வெளியாகி பலரையும் வியக்க வைத்துள்ளது. இதையடுத்து பீஸ்ட் திரைப்படத்தின் (ஹிந்தி) டிரைலரை இயக்குனர் அட்லி உடன் இணைந்து பார்த்ததாக நடிகர் ஷாருக்கான் தனது ட்விட்டர் பக்கத்தில் தெரிவித்துள்ளார். மேலும் ட்ரெய்லர் அற்புதமாக இருக்கிறது என குறிப்பிட்டு, பீஸ்ட் படக்குழுவிற்கு வாழ்த்து கூறியுள்ளார். அட்லி இயக்கத்தில் ஷாருக்கான் புதிய படத்தில் நடித்து வருவது குறிப்பிடத்தக்கது.