மழை நீரில் மூழ்கி முதியவர் உயிரிழந்த சம்பவம் சோகத்தை ஏற்படுத்தியுள்ளது.
தஞ்சாவூர் மாவட்டத்தில் உள்ள ஆடுதுறை பகுதியில் முதியவரான செல்வராஜ் என்பவர் வசித்து வந்துள்ளார். இவர் அதே பகுதியில் அமைந்துள்ள பெட்ரோல் பங்கிற்கு சென்றுள்ளார். அப்போது அருகில் மழை நீரால் நிரம்பி இருந்த பள்ளத்தில் செல்வராஜ் நிலைதடுமாறி விழுந்து விட்டார். இதனை பார்த்து அதிர்ச்சி அடைந்த பொதுமக்கள் உடனடியாக காவல்துறையினருக்கு தகவல் தெரிவித்துள்ளனர்.
அந்த தகவலின் படி சம்பவ இடத்திற்கு விரைந்து சென்ற காவல்துறையினர் செல்வராஜியின் சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இது குறித்து வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர். இதனால் பாதிக்கப்பட்ட செல்வராஜியின் குடும்பத்திற்கு பேரூராட்சி தலைவர் ம.க. ஸ்டாலின் தனது சொந்த நிதியிலிருந்து 5,000 ரூபாய் நிதி வழங்கி ஆறுதல் தெரிவித்துள்ளார்.