போட்டித் தேர்வுக்கான இலவச பயிற்சி வகுப்புகள் நடைபெற இருப்பதாக அறிவிப்பு வெளியாகியுள்ளது.
தமிழ்நாடு சீருடை பணியாளர் தேர்வாணையம் துணை ஆய்வாளர் [sub-inspector] தேர்வினை அறிவித்துள்ளது. இதற்கு விண்ணப்பிக்க கடைசி தேதி ஏப்ரல் 7 ஆகும். தர்மபுரி மாவட்டத்தில் உள்ள அரசு கலை மற்றும் அறிவியல் கல்லூரியில் வேலைவாய்ப்பு மற்றும் தொழில் நெறி வழிகாட்டுதல் மையத்தின் சார்பில் சப்-இன்ஸ்பெக்டர் தேர்வுக்கான இலவச பயிற்சி வகுப்புகள் நடைபெற இருக்கிறது.
இந்த பயிற்சி வகுப்புகள் காலை 10:30 மணி முதல் சிறந்த பயிற்றுநர்கள் மூலமாக நடைபெற இருக்கிறது. இங்கு இலவச பாடக் குறிப்புகள் வழங்குதல் மற்றும் மாதிரி தேர்வுகள் நடத்தப்படும். இந்த வகுப்புகளில் சேர விரும்புபவர்கள் https://bit.ly/3wLoLqA என்ற இணையதளத்தில் விண்ணப்பிக்கலாம். மேலும் கூடுதல் விவரங்களுக்கு 04324 296188 மூலம் தொடர்பு கொள்ளலாம். இந்த அறிவிப்பை மாவட்ட ஆட்சியர் தெரிவித்துள்ளார்.