மோட்டார் சைக்கிள் விபத்தில் 2 பேர் பலியான சம்பவம் சோகத்தை ஏற்படுத்தியுள்ளது.
கள்ளக்குறிச்சி மாவட்டத்தில் உள்ள பொற்படாக்குறிச்சி கிராமத்தில் ஜெயபால் என்பவர் வசித்து வந்துள்ளார். இதே கிராமத்தைச் சேர்ந்த சண்முகம் என்பவரும் ஜெயபாலும் சேர்ந்து மோட்டார் சைக்கிளில் நீலமங்கலம் பகுதிக்கு சென்று கொண்டிருந்தனர். அப்போது எதிரே வந்த மோட்டார் சைக்கிள் ஜெயபாலின் மோட்டார் சைக்கிளின் மீது பலமாக மோதியது. இந்த விபத்தில் ஜெயபால் மற்றும் சண்முகம் ஆகியோர் சம்பவ இடத்திலேயே பரிதாபமாக உயிரிழந்தனர். இதனையடுத்து மற்றொரு மோட்டார் சைக்கிளில் வந்த ரஞ்சித் மற்றும் ராஜ்குமார் ஆகிய 2 பேருக்கும் பலத்த காயம் ஏற்பட்டது.
இதைப்பார்த்து அதிர்ச்சியடைந்த அக்கம்பக்கத்தினர் 2 பேரையும் மீட்டு சிகிச்சைக்காக கள்ளக்குறிச்சி அரசு மருத்துவமனைக்கு அனுப்பி வைத்துள்ளனர். இதுகுறித்து கள்ளக்குறிச்சி காவல்துறைக்கு தகவல் தெரிவிக்கப்பட்டுள்ளது. அந்த தகவலின்படி சம்பவ இடத்திற்கு விரைந்து சென்ற காவல்துறையினர் ஜெயபால் மற்றும் சண்முகத்தின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.