”அஜித் 61” படத்தின் ஷூட்டிங் குறித்த அப்டேட் வெளியாகியுள்ளது.
நடிகர் அஜித் தமிழ் சினிமாவின் முன்னணி நடிகராக வலம் வருகிறார். இவர் நடிப்பில் வெளியாகும் படங்கள் அனைத்திற்கும் ரசிகர்கள் மத்தியில் நல்ல வரவேற்பு கிடைத்து வருகிறது. இயக்குனர் வினோத் இயக்கத்தில் சமீபத்தில் இவர் நடிப்பில் வெளியான திரைப்படம் ”வலிமை”. இந்த படம் வசூல் ரீதியாகவும், விமர்சன ரீதியாகவும் நல்ல வரவேற்பை பெற்றது. மேலும், இந்த திரைப்படம் 200 கோடிக்கு மேல் வசூல் செய்ததாக தயாரிப்பு நிறுவனமே அறிவிப்பு வெளியிட்டது.
இதனையடுத்து, அஜித்தின் 61வது படத்தை இயக்குனர் வினோத் தான் இயக்க உள்ளார். இந்நிலையில், ”அஜித் 61” படத்தின் ஷூட்டிங் குறித்த அப்டேட் வெளியாகியுள்ளது. அதன்படி, இந்த படத்திற்கு மொத்தம் படக்குழுவினர் 75 நாட்கள் ஒதுக்கி உள்ளதாக தகவல் வெளியாகியுள்ளது. அதில் சென்னை மற்றும் ஹைதராபாத்தில் படப்பிடிப்பு நடைபெற இருப்பதாகவும் கூறப்படுகிறது.