மொபட் கட்டுபாட்டை இழந்து மின்கம்பம் மோதியதில் தலையணை வியாபாரி ஒருவர் உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.
கரூர் மாவட்டம் வெங்கமேடு பகுதியில் வசித்து வந்த சிவக்குமார் என்பவர் தலையணை வியாபாரம் செய்து வந்துள்ளார்.இவருக்கு சரளாதேவி என்ற மனைவியும், ஒரு மகளும் உள்ளனர். இந்நிலையில் சம்பவத்தன்று சிவக்குமார் மொபட்டில் தலையணைகலை விற்பனை செய்ய நாமக்கல்லுக்கு சென்றுள்ளார். இதனையடுத்து அவர் வியாபாரத்தை முடித்துவிட்டு மீண்டும் ஊருக்கு திரும்பியுள்ளார்.
அப்போது பரமத்திவேலூர் அருகே உள்ள காவிரி புதிய பாலத்தில் சென்று கொண்டிருந்தபோது திடீரென மொபட் கட்டுப்பாட்டை இழந்து சாலையோரம் இருந்த மின்கம்பம் மீது பயங்கரமாக மோதியுள்ளது. இந்த கோர விபத்தில் பலத்தகாயமடைந்த சிவகுமாரை அக்கம்பக்கத்தினர் மீட்டு மருத்துவமனைக்கு அனுப்பி வைத்தனர். அங்கு தீவிர சிகிச்சை அளிக்கப்பட்ட நிலையிலும் சிவக்குமார் சிகிச்சை பலனின்றி பரிதாபமாக உயிரிழந்துள்ளார். இச்சம்பவம் குறித்து பரமத்திவேலூர் போலீசார் வழக்குபதிவு செய்து விசாரணை நடத்தி வருகின்றனர்.