அனைத்து பருவங்களிலும் வாகனங்களில் முழு கொள்ளளவு பெட்ரோல் நிரப்பலாம் என இந்தியன் ஆயில் நிறுவனம் அறிவித்துள்ளது. இது தொடர்பாக அந்த நிறுவனம் வெளியிட்டுள்ள அறிவிப்பில்,வெப்பநிலை அதிகரித்து வரும் காலங்களில் வாகனங்களில் முழுவதுமாக பெட்ரோல் நிரப்பாதீர்கள். அப்படி நிரப்பினால் பெட்ரோல் டேங்க் வெடிக்கக் கூடும் எனவே பாதி அளவு பெட்ரோல் நிரப்பி மீதமுள்ள இடங்களில் காற்று இருக்கும் வகையில் விட்டுவிடுங்கள் என வதந்திகள் பரவி வருகிறது. இது தொடர்பான விளக்கத்தை இந்திய ஆயில் நிறுவனம் அளிக்க விரும்புகிறது.
அந்தவகையில் அனைத்து பாதுகாப்பு அம்சங்களையும் ஆராய்ந்து வாகனங்களின் செயல் திறனுக்கு ஏற்பவே உற்பத்தியாளர்கள் வாகனங்களை வடிவமைக்கிறார்கள். அந்த வடிவமைப்பில் பெட்ரோல், டீசல் டேங்க் இடம்பெற்றுள்ள கொள்ளளவும் விதிவிலக்கல்ல. அதனால் தான் முழு கொள்ளளவும் பெட்ரோல் நிரப்புவது முற்றிலும் பாதுகாப்பானது. மேலும் இதற்கு கோடைகாலம் , குளிர்காலம் போன்ற வேறுபாடெல்லாம் கிடையாது எனக் கூறப்பட்டிருக்கிறது.