வீடுகளில் பற்றி எரிந்த தீயை தீயணைப்பு வீரர்கள் நீண்ட நேரம் போராடி அணைத்தனர்.
திருவாரூர் மாவட்டத்தில் உள்ள முத்துப்பேட்டை பகுதியில் ஜாகிர் உசேன் என்பவர் வசித்து வருகிறார். இவருக்கு அதே பகுதியில் ஆற்றங்கரை ஓரமாக 3 குடிசை வீடுகள்இருந்துள்ளது. இந்நிலையில் நேற்று திடீரென ஏற்பட்ட மின்கசிவு காரணமாக வீடுகள் தீப்பிடித்து எரிந்துள்ளது. இதனை பார்த்து அதிர்ச்சி அடைந்த பொதுமக்கள் உடனடியாக தீயணைப்பு துறையினருக்கு தகவல் தெரிவித்துள்ளனர்.
அந்த தகவலின் படி சம்பவ இடத்திற்கு விரைந்து சென்ற தீயணைப்பு வீரர்கள் நீண்ட நேரம் போராடி தீயை அணைத்தனர். இந்த விபத்தில் 3 வீடுகளும் எரிந்து நாசமாகியுள்ளது. இதுகுறித்து ஜாகிர் உசேன் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.