எஸ்.ஜே.சூர்யா நடிக்கும் கடமையை செய் திரைப்படத்தின் ரிலீஸ் தேதி அறிவிப்பு வெளியாகியுள்ளது.
தமிழ் சினிமா உலகில் பிரபல இயக்குனராக வலம் வந்த எஸ்.ஜே.சூர்யா தற்போது கதாநாயகனாகவும் வில்லனாகவும் நடித்து வருகின்றார். அண்மையில் வெளியான மாநாடு திரைப்படத்தில் தனது கலக்கமான நடிப்பை வெளிப்படுத்தி மிரட்டி இருந்தார்.
இவர் தற்போது வெங்கட்ராகவன் இயக்கத்தில் கதாநாயகனாக நடித்து முடித்துள்ளார். இத்திரைப்படத்தில் யாஷிகா ஆனந்த் ஹீரோயினாக நடிக்க மொட்டை ராஜேந்திரன், சார்லஸ் வினோத், வின்சென்ட் அசோகன், ராஜசிம்மன், மோகன் வைத்யா, சேஷு, ராம்ஜி, ஜெயச்சந்திரன் உள்ளிட்டோர் முக்கிய வேடங்களில் நடித்துள்ளனர்.
கொரோனா வந்த நேரத்தில் படத்தின் பர்ஸ்ட் லுக் போஸ்டர் வெளியாகி வரவேற்பை பெற்ற நிலையில் அதன்பிறகு எந்த அறிவிப்பும் வெளியாகவில்லை. தற்போது படத்தின் ரிலீஸ் தேதி குறித்து படக்குழு அறிவிப்பை வெளியிட்டுள்ளது. இத்திரைப்படமானது வருகின்ற மே மாதம் ரிலீசாகும் என அறிவிக்கப்பட்டிருக்கின்றது.