தேசிய உயர் கல்வி நிறுவனமான சென்னை ஐஐடியின் வர்த்தக அமைப்பின் சார்பில் பள்ளி மாணவர்களுக்கு நவீன முறையில் கணிதம் கற்று தரும் வீடியோ வகுப்பு அறிமுகம் செய்யப்பட்டிருக்கிறது. முழுவதும் ஆன்-லைன் வழியில் வீடியோவாக நடத்தப்படும். இந்த வகுப்பில் மாணவர்கள் சேருவதற்கு கட்டணம் எதுவும் கிடையாது. மேலும் இந்த வகுப்பில் ஏற்கனவே பதிவு செய்யப்பட்ட வீடியோவாக பாடங்கள் ஒளிபரப்பப்படுகிறது. பாடங்கள் தொடர்பான ஆன்லைன் வழியாக கணித செய்முறை பயிற்சி வழங்கப்படும் மொத்தம் நான்கு நிலைகளாக வகுப்பு நடைபெறுகிறது.
ஐந்தாம் வகுப்பிலிருந்து முதல் நிலை, ஏழாம் வகுப்பிலிருந்து இரண்டாம் நிலை, ஒன்பதாம் வகுப்பில் இருந்து மூன்றாம் நிலை, பிளஸ் ஒன்றிலிருந்து நான்காம் நிலை வகுப்புகள் நடத்தப்பட உள்ளதாக சென்னை ஐஐடி கூறியுள்ளது. முதல் மற்றும் இரண்டாம் நிலைக்கு ஜூன் மாதமும், நான்காம் நிலைக்கு ஜனவரி மாதத்திலும் வகுப்புகள் தொடங்கும் முன் வகுப்பிற்கு தற்போது விண்ணப்ப பதிவு தொடங்கியுள்ளது. விருப்பமுள்ள மாணவர்கள்https:// www.pravartak.org.in/ out-of-box-thinking.html என்ற இணையதளத்தில் தங்கள் விபரங்களை பதிவு செய்து கொள்ளலாம். வகுப்புகளை முடித்து தேர்வு தேதி சான்றிதழ் பெற வேண்டும் என்றால் ரூபாய் ஆயிரம் கட்டணம் செலுத்த வேண்டும் என சென்னை ஐஐடி தெரிவித்துள்ளது.