கோவை மாவட்டம் காரமடை மற்றும் அதன் சுற்றுவட்டார பகுதிகளில் ஏராளமான விவசாயிகள் வாழை சாகுபடி செய்துள்ளனர். இந்நிலையில் நேற்று முன்தினம் பலத்த காற்றுடன் கூடிய மழை பெய்ததால் சுமார் 20 ஆயிரம் வாழை மரங்கள் அடியோடு சாய்ந்தன. இதில் விவசாய மக்கள் பெரும் நஷ்டத்திற்கு உள்ளாகி வருத்தத்தில் ஆழ்ந்துள்ளனர்.
இது குறித்து விவசாயிகள் கூறியதாவது, பல ஆயிரம் செலவு செய்து வழை பயிரிட்டு இருந்த நிலையில் ஒரே நாள் இரவு பெய்த மழையால் 20 ஆயிரத்துக்கும் மேற்பட்ட வழைகள் சேதம் அடைந்துள்ளது. இதன் காரணமாக விவசாயிகளுக்கு பெருமளவு நஷ்டம் ஏற்பட்டுள்ளது. எனவே விவசாயிகள் நஷ்டஈடு வழங்க வேண்டும் என அரசு தரப்பில் கோரிக்கை விடுத்துள்ளனர்.
தமிழக விவசாய சங்க மாநில செயலாளர் வேணுகோபால் கூறுகையில், வனவிலங்குகள் மற்றும் காற்று மழையால் வாழை பயிர்களுக்கு பாதிப்பு ஏற்பட்டு வருகிறது. இதற்கு அரசு தரும் நஷ்ட ஈடு மிகவும் குறைவாகவும், போதுமானதாகவும் இல்லை. எனவே அரசு சேதமான வாழைக்கு ரூ.100 முதல் ரூ.120 வரை நஷ்டஈடு வழங்க வேண்டும் என்று தெரிவித்தார்.