மத்திய அரசின் கட்டாயகல்வி உரிமை சட்டத்தின் அடிப்படையில் 1 முதல் 10ஆம் வகுப்பு வரையில் ஆசிரியர்களாக பணிபுரிய விரும்பும் பட்டதாரிகள், ஆசிரியர் தகுதி தேர்வில் தேர்ச்சி பெற வேண்டியது கட்டாயம் ஆகும். இத்தேர்வை ஒவ்வொரு மாநிலமும் வருடத்துக்கு 2 முறை நடத்த வேண்டும். இந்த வருடத்துக்கான தகுதி தேர்வை ஆசிரியர் தேர்வு வாரியான TRB மார்ச் 7ஆம் அறிவித்தது. இதையடுத்து தேர்வுக்கான விண்ணப்பபதிவு மார்ச் 14ஆம் தேதி தொடங்கி, ஏப்ரல் 13 (நாளை மறுநாள்) முடிகிறது. ஆகவே தேர்வெழுத விரும்புவோர் இன்னும் 2 நாட்களுக்குள் விண்ணப்பிக்க வேண்டும்.
இந்த நிலையில் தேர்வுக்கு விண்ணப்பிக்கும் காலஅவகாசத்தை நீட்டிக்க கோரிக்கை எழுந்துள்ளது. இதனிடையில் பி.எட்., படித்த 50 ஆயிரம் நபர்களுக்கு தேர்வு முடிவுகள் வரவேண்டியுள்ளது. இதனால் ஆசிரியர்தகுதி தேர்வெழுதும் அடிப்படையில் விண்ணப்பம் பதிவுக்கான காலஅவகாசத்தினை நீட்டிக்க வேண்டுமென பட்டதாரிகள் வேண்டுகோள் விடுத்துள்ளனர். கட்டாயகல்வி உரிமை சட்டம் தமிழ்நாட்டில் அமலான பிறகு தமிழக பள்ளிக்கல்வித்துறையில் சேர்ந்த ஆசிரியர்கள் பல பேர் ஆசிரியர் தகுதி தேர்வை எழுதி தேர்ச்சி பெற வேண்டிய கட்டாயத்தில் இருக்கின்றனர். ஆகவே அவர்களும் தேர்வுக்கு விண்ணப்பிக்கும் அடிப்படியில் விண்ணப்ப காலத்தை நீட்டிக்க வேண்டும் என்று கோரிக்கை எழுந்துள்ளது.