பத்திரிக்கையாளர் கேள்வி கேட்டபோது ஏ.ஆர்.ரகுமான் தமிழ் மொழிதான் இணைப்பு மொழி என்று கூறிய வீடியோ இணையத்தில் வைரலாகி வருகிறது.
இந்தியா முழுவதும் மிகவும் பிரபலமான இசையமைப்பாளர் இசைப்புயல் ஏ.ஆர்.ரகுமான். எந்த இடத்திலும் எந்த சூழ்நிலையிலும் தனது சிரிப்பை மட்டும் கைவிடாமல் இருப்பதால் இவருக்கு கோடிக்கணக்கான ரசிகர்கள் கூட்டம் இருக்கின்றது. அண்மையில் ஏ.ஆர்.ரஹ்மான் தனது சமூக வலைதளப்பக்கத்தில் தமிழன்னை ஓவியத்தை பகிர்ந்திருந்தார். அந்த ஓவியத்தில் தமிழணங்கு என்ற வார்த்தையோடு “இன்பத் தமிழ் எங்கள் உரிமைச்செம் பயிருக்கு வேர்” என்ற பாரதிதாசனின் வரிகளோடு இடம் பெற்றிருந்தன.
சிஐஐ சார்பில் நடத்தப்பட்ட பொழுதுபோக்கு கருத்தரங்கில் கலந்து கொண்ட பொழுது அவரிடம் பத்திரிக்கையாளர் ஏராளம் சூழ்ந்த இந்திதான் இணைப்பு மொழி என உள்துறை அமைச்சர் அமித்ஷா கூறியது பற்றி கேட்டபோது அவர் தமிழ்தான் இணைப்பு மொழி என கூறி விட்டு அமைதியாக காரில் ஏறிச் சென்றுவிட்டார். இவ்வாறு ஏ.ஆர்.ரகுமான் பேசிய வீடியோ ஒன்று தற்போது சமூக வலைத்தளத்தில் வைரலாகியதோடு மக்கள் மனதை கவர்ந்து வருகின்றது.