புதிதாக ஆம்புலன்ஸ் சேவை தொடங்கப்பட்டுள்ளது.
கள்ளக்குறிச்சி மாவட்டத்தில் உள்ள கூடுதல் கட்டிட வளாகத்தில் செய்தி மக்கள் தொடர்புத்துறை சார்பில் 75-ஆம் ஆண்டு சுதந்திர தின அமுதப் பெருவிழா நிகழ்ச்சி நடைபெற்றது. இந்த கண்காட்சியில் ஊரக வளர்ச்சித்துறை, காவல்துறை, செய்தி மக்கள் தொடர்புத்துறை, தோட்டக்கலை, கால்நடைத்துறை, உள்ளிட்ட பல்வேறு துறைகளில் அரசால் செயல்படுத்தப்படும் திட்டங்கள் காட்சிப்படங்களாக வைக்கப்பட்டுள்ளது. இந்த கண்காட்சியை பொதுப்பணி மற்றும் நெடுஞ்சாலைத்துறை அமைச்சர் வேலு பார்வையிட்டார்.
அதன்பிறகு புதிதாக 4 ஆம்புலன்ஸ் சேவைகளை அமைச்சர் கொடியசைத்து தொடங்கி வைத்தார். இதனையடுத்து சிறப்பாக அரங்குகள் அமைத்த துறைகளுக்கு அமைச்சர் பரிசு வழங்கினார். இந்த நிகழ்ச்சியில் மாவட்ட ஆட்சியர் ஸ்ரீதர், போலீஸ் சூப்பிரண்டு செல்வகுமார், வசந்தம் கார்த்திகேயன் எம்எல்ஏ, உதயசூரியன், மணிகண்ணன், மாவட்ட முதன்மை கல்வி அலுவலர் விஜயலட்சுமி உள்ளிட்ட பலர் கலந்து கொண்டனர்.