பிரபல நடிகர் அஜித் நடிக்கும் ஏகே61 திரைப்படத்தின் படப்பிடிப்பு தொடங்கப்பட்டுள்ளது.
நடிகர் அஜித், இயக்குனர் வினோத், போனி கபூர் கூட்டணியில் கடந்த 2019ஆம் ஆண்டு வெளியான நேர்கொண்ட பார்வை திரைப்படம் மிகப் பெரிய வெற்றி அடைந்தது. இந்தக் கூட்டணியில் 2-வதாக வலிமை படம் வெளியானது. இந்தப் படம் ரசிகர்கள் மத்தியில் எதிர்பார்த்த அளவிற்கு வெற்றியை பெறவில்லை. இந்நிலையில் அஜித் நடிக்கும் ஏகே61 திரைப்படத்தின் படப்பிடிப்பு ஹைதராபாத்தில் இருக்கும் ராமோஜிராவ் பிலிம் சிட்டியில் தொடங்கியுள்ளது.
இயக்குனர் வினோத் இயக்கும் ஏகே 61 திரைப்படத்தை போனி கபூர் தயாரிக்கிறார். இந்தத் திரைப்படத்திற்காக அஜித் 20 கிலோ வரை உடல் எடை குறைத்துள்ளதாக தகவல்கள் வெளியாகியுள்ளது. இந்தப் படத்தில் அஜித் நடிக்கும் கதாபாத்திரம் குறித்த புகைப்படம் வெளியாகி ரசிகர்கள் மத்தியில் நல்ல வரவேற்ப்பை பெற்றுள்ளது. மேலும் ஏகே 61 திரைப்படத்தை தீபாவளிக்கு ரிலீஸ் செய்ய படக்குழுவினர் முடிவு செய்திருக்கின்றனர்.