தளபதி விஜய் தமிழ் சினிமாவில் பிரபல முன்னணி நடிகர்களில் ஒருவராக வலம் வருகிறார். இயக்குனர் நெல்சன் இயக்கத்தில் இவர் நடிப்பில் தற்போது உருவாகியுள்ள திரைப்படம் ”பீஸ்ட்”. சன் பிக்சர்ஸ் நிறுவனம் தயாரிக்கும் இந்த படத்திற்கு அனிருத் இசையமைத்துள்ளார். இந்த படத்தில் கதாநாயகியாக பூஜா ஹெக்டே நடிக்கிறார். மேலும் இந்த படத்தில் யோகி பாபு, அபர்ணா தாஸ், செல்வராகவன் மற்றும் பலர் முக்கிய கதாபாத்திரத்தில் நடிக்கின்றனர்.
இந்த நிலையில் இந்த படம் இன்று வெளியானது. படத்தை காண இரவு முதலே ரசிகர்கள் திரையரங்குகள் முன்பு ஆட்டம், பாட்டம், கொண்டாட்டம் என காத்திருந்தனர். இந்நிலையில் பீஸ்ட் படத்தில் விஜய்க்கு அடுத்து விடிவி கணேஷ் நல்ல ஸ்கோர் செய்துள்ளதாக ரசிகர்கள் பாராட்டுகின்றனர். இந்த படம் குறித்து ரசிகர்கள், பொதுமக்கள் தங்கள் கருத்துக்களைக் கூறிவருகின்றனர். படத்தில் விஜய்க்கு பிறகு விடிவி கணேஷ் நடிப்பிற்கு கைத்தட்டல் பறக்கிறதாம். யோகி பாபு, கிங்ஸ் உள்ளிட்டோர் இருந்தாலும் ஒரு சில இடங்களில் விடிவி இவர்களை ஓவர்டேக் செய்துள்ளாராம்.