நடிகர் மைக் மோகன் நடிக்கும் ஹரா திரைப்படத்தின் பர்ஸ்ட் லுக் டீசர் வெளியாகியுள்ளது.
தமிழ் சினிமா உலகில் 80-களில் முன்னணி நடிகர்கராக வலம்வந்த மைக் மோகன் தற்போது நீண்ட வருட இடைவெளிக்கு பிறகு மீண்டும் ஹீரோவாக நடிக்கவுள்ளார். இவர் விஜய் ஸ்ரீ இயக்கத்தில் ஹரா என்ற திரைப் படத்தில் ஹீரோவாக நடித்து வருகின்றார். மேலும் இத்திரைப்படத்தில் குஷ்பு முக்கிய வேடத்தில் நடிக்கவுள்ளார்.
குஷ்புவும் மைக் மோகனும் இணைந்து நடிப்பது இதுவே முதல் முறையாகும். எஸ்.பி மோகன்ராஜ் தயாரித்து வருகின்ற இத்திரைப்படத்தின் பர்ஸ்ட் லுக் போஸ்டர் சிலமாதங்களுக்கு முன்பு வெளியானது. மைக் மோகன் காதல் திரைப்படங்களில் நடித்து, ரசிகர்களை கவர்ந்து வந்த நிலையில் தற்போது ஆக்ஷன் திரைப்படத்தில் களமிறங்கியிருக்கிறார். இந்நிலையில் நேற்று மாலை 6 மணிக்கு பர்ஸ்ட் லுக் டீசர் வெளியாக இருப்பதாக அறிவிப்பு வந்த நிலையில் மாலை 6 மணிக்கு படத்தின் பர்ஸ்ட் லுக் டீசர் வெளியானது.