நியூமெக்ஸிகோ மாகாணத்தில் பரவி வரும் காட்டுத் தீயால் 2 பேர் உயிரிழந்துள்ளனர்.
அமெரிக்க நாட்டில் நியூமெக்சிகோ மாகாணத்தில் ருயிடோசோ என்ற கிராமம் அமைந்துள்ளது. இந்த கிராமத்தில் கடந்த செவ்வாய்க்கிழமை முதல் காட்டு தீ பரவி வருகிறது. இந்த காட்டுத் தீயை கட்டுக்குள் கொண்டு வர தீயணைப்பு வீரர்கள் போராடி வருகின்றனர். இதனைத் தொடர்ந்து வறண்ட வானிலை மற்றும் பலத்த காற்றின் காரணமாக காட்டுத்தீ மிகவும் வேகமாக பரவி வருகின்றது. தற்போது இந்த காட்டுத் தீ ருயிடோசோவில் உள்ள குடியிருப்பு பகுதிகளில் பரவியுள்ளது.
இந்த காட்டுத்தீயில் சிக்கி 200க்கும் அதிகமான வீடுகள் எரிந்து சாம்பலாகியது. இதில் ஒரு வீட்டில் இருந்த கணவன் மனைவி இருவரும் தீயில் கருகி பரிதாபமாக உயிரிழந்துள்ளனர். இதனையடுத்து சுமார் 200 பேர் தங்களின் வீடுகளை விட்டு வெளியேறி பாதுகாப்பான இடங்களுக்கு சென்றுள்ளனர். இந்நிலையில் மக்கள் குடியிருப்பு பகுதியில் மின்சாரம் துண்டிக்கப்பட்டு நூற்றுக்கணக்கான வீடுகள் இருளில் உள்ளது. மேலும் பள்ளிக்கூடங்கள் அடுத்த வாரம் வரை மூடப்பட்டிருக்கும் என உள்ளூர் நிர்வாகம் தெரிவித்துள்ளது.