நடிகர் விக்ரம் பிரபு நடிப்பில் உருவான திரைப்படம் டாணாக்காரன். இந்த படம் கடந்த 8ஆம் தேதி நேரடியாக ஓடிடி தளத்தில் வெளியானது. இந்த படத்தை இயக்குனர் வெற்றி மாறனிடம் உதவி இயக்குனராக பணிபுரிந்த தமிழ் இயக்கியுள்ளார். மேலும் இந்த படத்தில் எம் எஸ் பாஸ்கர், அஞ்சலி நாயர், அன்பரசன் போன்ற பலர் முக்கிய வேடங்களில் நடித்துள்ளனர். இந்நிலையில் டாணாக்காரன் படத்தை எஸ்ஆர் பிரபு தயாரிப்பில் இசையமைப்பாளர் ஜிப்ரான் இசையமைத்து, மகேஷ் மாணிக்கம் ஒளிப்பதிவு செய்திருக்கிறார்.
இந்த நிலையில் நடிகர் ரஜினிகாந்த் தனக்கு வாழ்த்து தெரிவித்ததாகவும், டாணாக்காரன் படத்தில் தன்னுடைய நடிப்பிற்காக பாராட்டுவதாகவும் நடிகர் விக்ரம் பிரபு தன்னுடைய சமூக வலைத்தள பக்கத்தில் பதிவிட்டுள்ளார். இதுபற்றி அவர் வெளியிட்டுள்ள டுவிட்டர் பதிவில், என்னுடைய நடிப்பை பாராட்டிய சூப்பர் ஸ்டாரிடம் இருந்து அழைப்பு வந்தது மிகப்பெரிய உணர்வு. நான் கனவு காணாத ஒன்றை சாதித்தேன். உங்கள் ஆர்வத்தை பின்பற்றுவது வாழ்க்கையில் இது போன்ற அற்புதமான நிகழ்வுகளை உருவாக்கும். மேலும் படக்குழுவிற்கு வாழ்த்துக்கள் கடவுள் ஆசீர்வதிக்கட்டும் என பதிவிட்டிருக்கிறார்.