2 இருசக்கர வாகனங்கள் நேருக்கு நேர் மோதி ஒரே குடும்பத்தைச் சேர்ந்த 3 பேர் காயமடைந்துள்ளனர்.
கடலூர் மாவட்டத்திலுள்ள பாதிரிக்குப்பம் பகுதியில் கபிலன் என்பவர் வசித்து வருகிறார். இவருக்கு மங்காத்தா என்ற மனைவியும், சர்வேஷ் என்ற மகனும் உள்ளனர். இந்நிலையில் கபிலன் தனது குடும்பத்தினருடன் இருசக்கர வாகனத்தில் சென்றுள்ளார். அப்போது காராமணிக்குப்பம் பேருந்து நிறுத்தம் அருகாமையில் சென்ற நிலையில் எதிரே வந்த மற்றொரு இருசக்கர வாகனம் மீது இவரின் இருசக்கர வாகனம் எதிர்பாராவிதமாக மோதி விபத்து ஏற்பட்டுள்ளது.
இந்த விபத்தில் கபிலன், அவரின் மனைவி மற்றும் மகன் ஆகியோர் காயமடைந்துள்ளனர். இது பார்த்த அருகில் இருந்தவர்கள் அவர்களை மீட்டு சிகிச்சைக்காக அரசு மருத்துவமனைக்கு அனுப்பி வைத்துள்ளனர். அங்கு அவர்களுக்கு மருத்துவர்களால் தீவிர சிகிச்சை அளிக்கப்பட்டு வருகிறது. மேலும் இது குறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.