‘மாயோன்’ படத்தின் ரிலீஸ் தேதியை படக்குழுவினர் அறிவித்துள்ளனர்.
தமிழ் சினிமாவின் பிரபல நடிகராக வலம் வருபவர் சிபி சத்யராஜ். இவர் நடிப்பில் கடைசியாக ரிலீஸான வால்டர் மற்றும் கபடதாரி போன்ற திரைப்படங்கள் ரசிகர்கள் மத்தியில் நல்ல வரவேற்பை பெற்றது. இதனையடுத்து, இவர் ஆக்ஷன் மற்றும் திரில்லர் திரைப்படங்களில் தொடர்ந்து நடித்து வருகிறார். இதற்போது யக்குனர் கிஷோர் இயக்கத்தில் இவர் நடித்துள்ள திரைப்படம் ”மாயோன்”.
இளையராஜா இசையமைக்கும் இந்த திரைப்படத்தை அருண்மொழி மாணிக்கம் தயாரித்துள்ளார். மேலும், இந்த படத்தில் தான்யா ரவிச்சந்திரன், கே.எஸ் ரவிக்குமார், ராதாரவி மற்றும் பலர் முக்கிய கதாபாத்திரத்தில் நடித்துள்ளனர். பிரசாந்த் ஒளிப்பதிவு செய்துள்ள இந்த திரைப்படத்தின் டீசர் வெளியாகி ரசிகர்கள் மத்தியில் கவனத்தை ஈர்த்தது. இந்நிலையில், இந்த படத்தின் ரிலீஸ் தேதியை படக்குழுவினர் அறிவித்துள்ளனர். அதன்படி இந்த திரைப்படம் வருகிற ஜூன் 17ஆம் தேதி திரையரங்கில் ரிலீஸாகும் என அறிவிக்கப்பட்டுள்ளது.